ال LRC ما كان مجرد مركز بالجامعة تطوعت فيه لحتى اكتسب خبرة، هو المكان الي لقيت فيه حالي و تعرفت ع اشخاص لطيفين جداً بخلوك تشعر بالانتماء للمكان و تحب تكون موجود فيه عطول، هو المكان الي اعطاني الفرصة لحتى أعيش تجارب جديدة ما كنت متخيلة اني بيوم رح اعيشها و انجح فيها خصوصاً تعليم اللغة العربية للاجانب غير الناطقين باللغة كانت من الطف التجارب و الي اعطتني ثقة كبيرة بحالي و طورت لغتي الانجليزية بشكل كبير.
بالاضافة انو بهالمركز بلشت احقق حلمي بإني اتعلم لغات جديدة و اتعرف ع ثقافات بلدان جديدة و عاداتهم- فكرة التبادل الثقافي بين البلدان الي حاملها المركز فعلاً رائعة- ، بلشت باللغة الاسبانية مع بيدرو الي بشكرو من كل قلبي، كان أسلوب تعليم راقي و بعيد تماماً عن التلقين الي دايماً بنفرنا من انو نتعلم شي جديد، كمان عددنا المناسب بالمجموعة ساعدنا لحتى يكون تركيز ع كل حدا فينا انو المعلومة تكون وصلتو مية بالمية ،،
شكراً كتير الكم ع دعمكم النا و ثقتكم و ايمانكم بقدراتنا ع عفويتكم و روحكم الحلوة الي بتخلق جو حلو و مريح بالمكان
عدد القراءات: 196
