شيماء عرفات

شيماء عرفات، سنة رابعة، بدرس فرنسي. مركز الموارد التعليمية للغات كان ئلو دور كبير بمساعدتي على تعلم اللغه الفرنسية وأيضا الإنكليزية، بالبدايه كنت أروح على المركز بهدف انو أتدرب على اللغة الفرنسية مع متطوعين فرنسيين، ومع الوقت صار عندي فضول إني كمان أخد انكليزي لأنو كان عندي دايما خوف من إني أتحدث اللغة الانكليزية مع أي حدا، كان عندي خلفية ومصطلحات بس كان عندي مشكلة التحدث فقررت أني أنضم لدوره محادثه انجليزي، وهاد الإشي ساعدني كتير مع اللغة ومع شخصيتي أني أصير أحكي وأتعامل مع الناس أكثر فصار المركز بالنسبة ئلي مو بس عشان أتعلم اللغة، كمان عشان اكسب أصدقاء جداد وأكسر حاجز إني أحكي بلغة غير العربية مع أي أحد. بالإضافة طبعاً للنشاطات الي كنا نعملها من تمثيل، ولقاءات اسبوعية من شان نتناقش ونتبادل أفكار مع جميع الطلاب بمختلف اللغات الي بتعلموها وأيضاً عرض الأفلام . فلأنا بشكر المركز وكل العاملين في وخصيصاً الدكتوره لهى الي عرفتني بالمركز شكراً كتيير على كل الجانب الجميل اللي أضافه المركز على حياتي .